QR Code

سعودی عرب، ٹریفک حادثے میں 6 پاکستانی مزدور جاں بحق

16 Aug 2022 00:10

جاں بحق ہونے والوں کی شناخت خیر زمین، محمد طیب، سعید اللہ، فضل، حیات خان اور حکیم خان کے نام سے ہوئی ہے، ان میں سے 4 افراد کا تعلق خیبر پختون خواہ کے علاقے لوئر دیر سے ہے۔

اسلام ٹائمز۔ سعودی عرب میں المناک ٹریفک حادثے کے نتیجے میں 6 پاکستانی مزدور جاں بحق ہو گئے۔ میڈیا رپورٹ کے مطابق حادثہ پاکستانی مزدوروں کی گاڑی اور ٹرالر کے درمیان تصادم کے باعث پیش آیا ہے، جس کے نتیجے میں 6 پاکستانی مزدور جاں بحق جبکہ دو زخمی ہوگئے۔ حادثے کے فوری بعد ریسکیو حکام جائے وقوعہ پر پہنچ گئے اور زخمیوں کو اسپتال منتقل کردیا گیا، جہاں انہیں طبی امداد دینے کے بعد ڈسچارج کردیا گیا ہے۔ جاں بحق ہونے والوں کی شناخت خیر زمین، محمد طیب، سعید اللہ، فضل، حیات خان اور حکیم خان کے نام سے ہوئی ہے، ان میں سے 4 افراد کا تعلق خیبر پختون خواہ کے علاقے لوئر دیر سے ہے۔ پاکستانی سفارتخانے نے میتوں کو پاکستان بھجوانے کیلئے سفری دستاویزات فراہم کردی ہیں، جس کے بعد میتیں پاکستان روانہ کردی گئی ہیں۔ پاکستانی محنت کشوں کی نمازجنازہ سعودی عرب میں بھی ادا کی گئی۔

خبر کا کوڈ: 1009355