اسلام ٹائمز۔ لاہور سمیت پنجاب بھر میں 16 ہزار اساتذہ کی بھرتیوں کی منظوری کیلئے محکمہ سکول ایجوکیشن نے سمری وزیر اعلیٰ کو ارسال کر دی ہے۔ دوسرے مرحلے میں 14 ہزار مزید اساتذہ بھرتی کئے جائیں گے۔ صوبائی وزیر تعلیم پنجاب مراد راس کا کہنا ہے کہ بھرتیوں سے نوجوانوں کو روزگار ملے گا۔
پنجاب بھر میں 16 ہزار اساتذہ کی بھرتیوں کی منظوری وزیراعلیٰ پنجاب دیں گے۔ 30 ہزار اساتذہ کی ٹوٹل بھرتیاں کی جانی ہیں۔ دوسرے مرحلے میں 14 ہزار مزید اساتذہ بھرتی کیے جائیں گے۔ وزیراعلی کی جانب سے منظوری کے بعد اشہتار دیا جائے گا۔ بھرتیاں پنجاب پبلک سروس کمیشن کے تحت کی جائیں گی۔ لاہور میں 750 اساتذہ کی خالی اسامیوں پر بھرتیاں کی جائیں گی۔ اشتہار کے تین ماہ بعد اساتذہ کا تحریری امتحان لیا جائے گا۔