QR Code

شہباز گل پر جسمانی تشدد کی پریشان کن تصاویر دیکھی ہیں، مصطفیٰ نواز کھوکھر

19 Aug 2022 00:05

رہنما پیپلزپارٹی نے سماجی رابطے کی سائٹ پر اپنے پیغام میں کہا کہ پی ٹی آئی رہنما شہباز گل پر ہونے والے جسمانی تشدد کی انتہائی پریشان کن تصاویر دیکھی ہیں۔ انہوں نے لکھا کہ کسی بھی شخص کی عزت نفس کو اختلاف کے باوجود بھی اس طرح پامال نہیں کرنا چاہیے۔

اسلام ٹائمز۔ پاکستان پیپلزپارٹی (پی پی پی) کے رہنما اور سینیٹر مصطفیٰ نواز کھوکھر نے شہباز گل پر دوران حراست پولیس تشدد کی تصدیق کر دی۔ پی پی رہنما مصطفیٰ نواز کھوکھر نے سماجی رابطے کی سائٹ پر اپنے پیغام میں کہا کہ پی ٹی آئی رہنما شہباز گل پر ہونے والے جسمانی تشدد کی انتہائی پریشان کن تصاویر دیکھی ہیں۔ انہوں نے لکھا کہ کسی بھی شخص کی عزت نفس کو اختلاف کے باوجود بھی اس طرح پامال نہیں کرنا چاہیے، شہباز اور پی ڈی ایم حکومت بربریت کو روکنے میں ناکام ہے۔ مصطفیٰ نواز کھوکھر نے مزید لکھا کہ شہباز گل پر دورانِ حراست ہونے والا تشدد پی ڈی ایم حکومت اور ہمارے لیے شرم کی بات ہے۔ واضح رہے کہ پاکستان تحریک انصاف کے چیئرمین عمران خان نے گزشتہ دنوں دعویٰ کیا تھا کہ شہباز گل سے مرضی کا بیان لینے کے لیے اُسے دوران حراست برہنہ کر کے تشدد کا نشانہ بنایا جارہا ہے۔

خبر کا کوڈ: 1009877