گیان واپی مسجد کی کمیٹی نے سماعت کی تیاری کیلئے کورٹ سے دو ماہ کا وقت مانگا

اسلام ٹائمز۔ گیان واپی مسجد کیس میں مسجد کمیٹی نے سماعت کی تیاری کے لئے آٹھ ہفتے کا وقت مانگا ہے۔ عرضی میں کہا گیا کہ اگلی سماعت سے قبل تیاری کے لئے وقت درکار ہے۔ انجمن کمیٹی کے وکیل محمد توحید خان نے کہا کہ ہمیں تیاری کے لئے وقت چاہیئے۔ اس لئے ہم نے درخواست دائر کرتے ہوئے اگلی سماعت کے لیے آٹھ ہفتے کا وقت مانگا ہے۔ اس پر عدالت درخواست کی سماعت 22 ستمبر کو کرے گی۔ اس پر گیان واپی مسجد کی انتظامی کمیٹی نے وارانسی کی ضلع عدالت میں ایک عرضی داخل کرتے ہوئے شرنگر گوری گیان واپی کمپلیکس معاملے میں اگلی سماعت سے پہلے وقت مانگا ہے۔

گزشتہ ہفتے وارانسی کی ضلعی عدالت نے کیس کی سماعت کے لئے اگلی تاریخ 22 ستمبر مقرر کی تھی۔ انجمن انتفاضہ مسجد کمیٹی نے ہفتہ کو درخواست دائر کرتے ہوئے وقت مانگا۔ ضلعی عدالت نے 12 ستمبر کو فیصلہ سنایا کہ وہ پانچ ہندو خواتین کی درخواست کی سماعت جاری رکھے گی، جن کی مورتیاں گیانواپی کمپلیکس کی بیرونی دیوار پر ہندو دیوتاؤں کی روزانہ پوجا کے لئے واقع ہیں۔ اس دوران کہا گیا کہ کسی بھی موجودہ قانون کے تحت درخواست پر پابندی نہیں ہے۔ اس کے ساتھ ہی ضلع جج اے کے وشویش نے 12 ستمبر کو انجمن انتفادہ مسجد کمیٹی کی عرضی کو بھی خارج کر دیا۔