کورونا وائرس اور فلو شناخت کرنے والا فیس ماسک تیار
20 Sep 2022 15:47
شنگھائی کی Tongji یونیورسٹی کے ماہرین نے اس فیس ماسک کو تیار کیا جس کے بارے میں تحقیق کے نتائج جرنل Matter میں شائع ہوئے۔
اسلام ٹائمز۔ چین کے سائنسدانوں نے ایک ایسا فیس ماسک تیار کیا ہے جو ہوا میں کورونا وائرس کو شناخت کرنے کی صلاحیت رکھتا ہے۔ کووڈ 19 یا فلو سے متاثر کسی فرد سے گفتگو کے دوران فیس ماسک کی جانب سے اسے پہننے والے کو وائرسز سے الرٹ کیا جاتا ہے۔ اس فیس ماسک میں سنسرز نصب ہیں جو ہوا میں موجود بہت چھوٹے وائرل ذرات پر بھی ردعمل ظاہر کرتے ہیں۔ شنگھائی کی Tongji یونیورسٹی کے ماہرین نے اس فیس ماسک کو تیار کیا جس کے بارے میں تحقیق کے نتائج جرنل Matter میں شائع ہوئے۔ تحقیقی ٹیم کی جانب سے فیس ماسک کو ایک بند چیمبر میں ٹیسٹ کیا گیا تھا۔
خبر کا کوڈ: 1015310