اسلام ٹائمز - تحریک منہاج القرآن کے کارکنوں کیخلاف اندراج مقدمہ کی درخواست

تحریک منہاج القرآن کے کارکنوں کیخلاف اندراج مقدمہ کی درخواست

پارکس اینڈ ہارٹیکلچر اتھارٹی کے مطابق پی ایچ اے کی جانب سے تحریک منہاج القران کے کارکنوں نے مینار پاکستان کے گریٹر اقبال پارک کی حدود سے باہر نکالنے پر سکیورٹی سٹاف کو سنگین نتائج کی دھمکیاں دیں۔ پی ایچ اے حکام نے منہاج القرآن کے کارکنوں کیخلاف تھانہ لاری اڈا میں اندارج مقدمہ کی درخواست دے دی ہے۔

اسلام ٹائمز۔ عید میلاد النبی(ص) کے موقع پر لاہور میں ہونیوالی ’’عالمی میلاد کانفرنس‘‘ کے انتظامات کے سلسلہ میں تحریک منہاج القران کے کارکن مینار پاکستان گراونڈ میں بلا اجازت داخل ہو گئے۔ پی ایچ اے نے خلاف ورزی پر اندارج مقدمہ کی درخواست دے دی۔ پارکس اینڈ ہارٹیکلچر اتھارٹی کے مطابق پی ایچ اے کی جانب سے تحریک منہاج القران کے کارکنوں نے مینار پاکستان کے گریٹر اقبال پارک کی حدود سے باہر نکالنے پر سکیورٹی سٹاف کو سنگین نتائج کی دھمکیاں دیں۔

پی ایچ اے حکام نے منہاج القرآن کے کارکنوں کیخلاف تھانہ لاری اڈا میں اندارج مقدمہ کی درخواست دے دی ہے۔ اندراج مقدمہ کی درخواست گریٹر اقبال پارک کے سکیورٹی انچارج عبدالرحیم اعوان کی جانب سے دی گئی ہے۔ پی ایچ اے حکام کے مطابق مینار پاکستان گراونڈ میں حکومت کی جانب سے کسی بھی قسم کے جلسہ اور احتجاج پر مکمل پابندی عائد ہے۔ پی ایچ اے کے مطابق تحریک منہاج القرآن کے کارکن یہاں عالمی میلاد کانفرنس کے انتظامات کیلئے آئے تھے۔ کارکنوں نے پی ایچ اے انتظامیہ کو اس حوالے سے آگاہ کیا اور نہ ہی پارک میں داخلے کی اجازت لی۔ انتظامیہ کے مطابق ڈی سی لاہور سے جلسہ کرنے کیلئے پیشگی اجازت لینا لازم ہے۔