1
Monday 26 Sep 2022 00:17

کمشنر ملتان ڈویژن کی زیرصدارت امن کمیٹی کا اجلاس، انجینئر سخاوت علی سیال کی شرکت

کمشنر ملتان ڈویژن کی زیرصدارت امن کمیٹی کا اجلاس، انجینئر سخاوت علی سیال کی شرکت
اسلام ٹائمز۔ ڈویژنل امن کمیٹی ملتان کا اجلاس کمشنر ملتان انجینیئر عامر خٹک کی زیرصدارت منعقد ہوا، اجلاس میں ڈپٹی کمشنر ملتان طاہر وٹو، تمام متعلقہ اداروں کے سربراہان اور ممبران امن کمیٹی مجلس وحدت مسلمین ملتان کے رہنما انجینئر سخاوت علی سیال، خاور شفقت بھٹہ، سید علی رضا گردیزی، مزین عباس چاون، مخدوم عباس شمسی، اسسٹنٹ کمشنر سٹی خواجہ عمیر علی اور دیگر موجود تھے۔ اجلاس میں ماہ صفرالمظفر اور ربیع الاول کے جلوسوں کے حوالے سے تبادلہ خیال کیا گیا، اس موقع پرگفتگو کرتے ہوئے رہنمائوں نے کہا کہ چہلم امام حسین علیہ السلام کے موقع پر عزاداروں کے خلاف بنائے گئے مقدمات واپس لیے جائیں، ملتان ایک پُرامن شہر ہے لیکن بعض عناصر اسے فرقہ واریت کی دلدل میں دھکیلنا چاہتے ہیں۔ رہنمائوں نے مطالبہ کیا کہ شہر کے امن کو ایک سوچی سمجھی سازش کے تحت تباہ کیا جا رہا ہے، چند روز قبل ایک ٹولے کی جانب سے فرقہ واریت کو پھیلانے کے لیے احتجاج کیا گیا حکومت اس حوالے سے اقدمات کرے۔
خبر کا کوڈ : 1016137
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش