اسلام ٹائمز - چین کا 73 واں قومی دن آج منایا جا رہا ہے

یکم اکتوبر 1949ء کو چین پیپلز ریپبلک آف چائنا کے قیام کا اعلان کیا گیا تھا، چین میں یہ دن رویتی جوش و خروش سے منایا جاتا ہے۔

اسلام ٹائمز۔ دنیا کی ابھرتی ہوئی طاقت چین کا 73 واں قومی دن آج منایا جا رہا ہے، یکم اکتوبر 1949ء کو چین پیپلز ریپبلک آف چائنا کے قیام کا اعلان کیا گیا تھا، چین میں یہ دن رویتی جوش و خروش سے منایا جاتا ہے۔ چینی سفارتخانے کا کہنا ہے کہ مصیبت کے وقت سچا دوست ہی دوست کے کام آتا ہے،چینی حکومت، فوج اور دیگر سیلاب کی تباہ کاریوں سے نمٹنے میں پاکستان کی مدد کر رہے ہیں۔ سماجی رابطے کی سائٹ ٹوئٹر پر جاری بیان میں چینی سفارتخانے نے کہا کہ چینی ریڈکراس، کمپنیاں اور عوام پاکستان کی اعانت میں پیش پیش ہیں،چین کے ہر شعبہ زندگی سے وابستہ افراد پاکستان کی مدد کے لیےحصہ لے رہے ہیں۔ چینی سفارتخانے کا کہنا ہے کہ مصیبت کی اس گھڑی میں چین پوری طرح سے پاکستان کے ساتھ کھڑا ہے، چین نے سیلاب زدگان کےلیے 90.2 ملین ڈالر امداد دی ہے۔ سفارتخانے نے کہا کہ چینی حکومت نے400 ملین اور چینی فوج نے 100 ملین امداد فراہم کی ہے، چینی عوام نے 125 ملین اور سفارتخانے نے 17 ملین امداد دی ہے، چینی ریڈ کراس سوسائٹی نے 201 ملین یو آن امداد دی۔