QR Code

منظور وسان پیشنگوئیوں کے بجائے عوام کی فکر کریں، جمال صدیقی

3 Oct 2022 16:27

کراچی میں میڈیا سے گفتگو کرتے ہوئے رہنما پی ٹی آئی نے کہا کہ سندھ کے عوام تباہی کے دہانے پر کھڑے ہیں، عمران خان کے دن گننے والوں کے دن گنے جا چکے ہیں۔

اسلام ٹائمز۔ پاکستان تحریک انصاف (پی ٹی آئی) کے رہنما اور رکن سندھ اسمبلی جمال صدیقی نے منظور وسان کے بیان پر ردعمل دیتے ہوئے کہا کہ منظور وسان پیشگوئیوں کے بجائے عوام کی فکر کریں۔ کراچی میں میڈیا سے گفتگو کرتے ہوئے جمال صدیقی نے کہا کہ سندھ کے عوام تباہی کے دہانے پر کھڑے ہیں، پی پی رہنما مسخریاں چھوڑ کر کروڑوں لوگوں کی بحالی پر توجہ دیں۔ جمال صدیقی نے کہا کہ عمران خان کے دن گننے والوں کے دن گنے جا چکے ہیں۔

واضح رہے کہ مشیر زراعت منظور وسان نے کہا تھا کہ عمران خان کے لئے اکتوبر اور نومبر مصیبت کے مہینے ہیں، مجھے عمران خان کا مستقبل کہیں نظر نہیں آرہا۔ انہوں نے میڈیا سے گفتگو کے دوران پاکستان تحریک انصاف کے چیئرمین کو تنقید کا نشانہ بناتے ہوئے کہا کہ عمران خان کے دن گنے جاچکے، وہ پھنس چکے ہیں، جنہوں نے عمران خان کو جہاں سے پک کیا تھا، اسے وہیں واپس بھیج رہے ہیں۔

خبر کا کوڈ: 1017399