0
Monday 3 Oct 2022 22:08

اتحاد بین المسلمین قرآن و سنت اور سیرتِ اہل بیتؑ سے ثابت ہے، علامہ مقصود ڈومکی

اتحاد بین المسلمین قرآن و سنت اور سیرتِ اہل بیتؑ سے ثابت ہے، علامہ مقصود ڈومکی
اسلام ٹائمز۔ مدرسہ المصطفی خاتم النبیین صلی اللہ علیہ وآلہ وسلم جیکب آباد میں متاثرین سیلاب اور وارثان شہداء کے درمیان 70 راشن اور 115 مچھر دانیاں تقسیم کی گئیں۔ اس موقع پر مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا کہ دکھی انسانیت کی خدمت عظیم عبادت ہے۔ ہم مولائے کائنات حضرت علی مرتضیٰ علیہ السلام کے ماننے والے ہیں جو راتوں کو روٹی کی بوریاں اٹھا کر غریبوں کے گھر جاتے اور ان کی مدد فرماتے تھے۔ پیروان اہل بیت آل رسول کی سیرت طیبہ کی روشنی میں خدمت انسانیت کو اپنا شعار بنائیں۔ ہم متاثرین سیلاب کی مکمل بحالی تک حسب استطاعت ان کی خدمت جاری رکھیں گے۔

انہوں نے کہا کہ ملک بھر میں شیعہ سنی مسلمان مل کر عید میلاد النبی صلی اللہ علیہ وآلہ وسلم اور ھفتہ وحدت منائیں گے۔ اتحاد بین المسلمین قرآن کریم سنت نبوی اور سیرتِ اہل بیت علیہم السلام سے ثابت ہے۔ اسلام دشمن سامراجی قوتیں امت مسلمہ کے درمیان اختلافات کو ہوا دے کر انتشار اور افتراق پیدا کرنا چاہتی ہیں جو ان کے سامراجی اھداف لڑاؤ اور حکومت کرو کے استکباری منصوبے کا حصہ ہے۔ انہوں نے کہا کہ اتحاد امت مسلمہ کے جذبے کے تحت شیعہ سنی علماء کرام مشائخ عظام وارثان شہداء و اکابرین کی قیادت میں 23 اکتوبر کو جیکب آباد میں عظیم الشان لبیک یا رسول اللہ ریلی نکالی جائے گی۔
خبر کا کوڈ : 1017449
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش