0
Tuesday 4 Oct 2022 00:52

رانا ثنا اللہ نے یقین دہانی کرائی ہے صبح مسئلہ حل کریں گے، چیئرمین کسان اتحاد

رانا ثنا اللہ نے یقین دہانی کرائی ہے صبح مسئلہ حل کریں گے، چیئرمین کسان اتحاد
اسلام ٹائمز۔ چیئرمین کسان اتحاد خالد حسین باٹھ نے کہا ہے کہ وفاقی وزیر داخلہ رانا ثنا اللہ نے یقین دہانی کرائی ہے کہ صبح ہمارا مسئلہ حل کریں گے، ہم صبح تک انتظار کریں گے۔ ذرائع ابلاغ سے گفتگو کرتے ہوئے خالد حسین باٹھ نے ایک سوال کے جواب میں کہا کہ جہاں اتنی راتیں یہاں گزاری ہیں وہاں ایک اور سہی۔ اس موقع پر کسان اتحاد کے دیگر رہنما بھی موجود تھے۔ انہوں نے کہا کہ رانا ثنا اللہ نے کہا ہے کہ آپ کے مسئلے کے حل کے لیے کام کر رہے ہیں، وزیراعظم سے ملاقات کے لیے تھوڑا وقت دیا جا رہا تھا، ہم نے کہا کہ تھوڑے وقت کیلئے نہیں ملیں گے۔ چیئرمین کسان اتحاد خالد حسین باٹھ نے کہا کہ وزیراعظم کے آج کے شیڈول میں ہماری ملاقات کے بارے میں آگاہ کیا جائے گا۔ واضح رہے کہ قاف لیگ کے مرکزی رہنما سینیٹر کامل علی آغا نے سینیٹ میں کسان اتحاد کی جانب توجہ مبذول کراتے ہوئے حکومت سے مطالبہ کیا ہے کہ ان سے مذاکرات کیے جائیں اور ان کے مسائل حل کیے جائیں۔ اس حوالے سے انہوں نے حکومت کو کڑی نکتہ چینی کا بھی نشانہ بنایا ہے۔
خبر کا کوڈ : 1017474
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش