معروف عالم دین، مفتی اعظم پاکستان مفتی رفیع عثمانی انتقال کر گئے

اسلام ٹائمز۔ مفتی اعظم پاکستان، معروف عالم دین مفتی رفیع عثمانی انتقال کر گئے۔ ان کی عمر 86 برس تھی اور وہ کافی عرصے سے علیل تھے۔ نجی ٹی وی کے مطابق مفتی رفیع عثمانی، مفتی تقی عثمانی کے بڑے بھائی تھے، مفتی محمد رفیع عثمانی دارالمدارس العربیہ کے سرپرست اعلیٰ تھے۔ دوسری طرف وزیراعظم، صدر، جے یو آئی سربراہ مولانا فضل الرحمان، جسٹس ریٹائرڈ مولانا تقی عثمانی، وزیر داخلہ رانا ثناء اللہ، وزیر اطلاعات مریم اورنگزیب، گورنر سندھ کامران ٹیسوری، وزیر اعلیٰ سندھ سید مراد علی شاہ، سمیت دیگر مذہبی و سیاسی جماعتوں کے رہنماؤں نے مفتی اعظم پاکستان صدر دارالعلوم کراچی مفتی محمد رفیع عثمانی کی وفات پر دلی رنج و غم کا اظہار کیا ہے۔