0
Monday 21 Nov 2022 22:39

ناصر شیرازی کا ڈیرہ غازی خان کا دورہ، سیلاب متاثرہ مساجد و گھروں کی تعمیرنو کا آغاز

ناصر شیرازی کا ڈیرہ غازی خان کا دورہ، سیلاب متاثرہ مساجد و گھروں کی تعمیرنو کا آغاز
اسلام ٹائمز۔ مرکزی جنرل سیکرٹری مجلس وحدت مسلمین پاکستان سید ناصر عباس شیرازی ایڈووکیٹ نے جنوبی پنجاب کے صدر علامہ اقتدار حسین نقوی اور ان کی کابینہ کے ہمراہ ڈیرہ غازی خان کا دورہ کیا۔ اس موقع پر المجلس ویلفیئر آرگنائزیشن کے شعبہ ڈیزاسٹر مینجمنٹ سیل اور انجمن حسینہ خواجگان لاہور کے اشتراک سے سیلاب زدہ علاقوں میں گھروں کی تعمیر کے پہلے مرحلے میں جنوبی پنجاب میں بیت امام علی علیہ السلام پراجیکٹ کے تحت مختلف دیہاتوں میں گھروں اور مساجد کی تعمیر کا آغاز کردیا گیا۔ مستحقین میں ایک کمرے کے گھر کی تعمیر کے لئے پہلی قسط نقد رقم کی صورت میں تقسیم کر دی گئی۔

اس موقع پر صوبائی صدر علامہ اقتدار حسین نقوی، انجمن حسینہ کے باقر حسین جاوا اور مرکزی جنرل سیکرٹری ناصر عباس شیرازی نے خطاب بھی کیا جبکہ ضلعی اور صوبائی رہنماوں کی بڑی تعداد بھی موجود تھی۔ مہمانوں کو اعزازی شیلڈز بھی دی گئیں۔ تقریب کے تمام تر انتظامات ضلعی صدر مجلس وحدت مسلمین سید انعام حیدر زیدی اور ان کی ٹیم نے انجام دیئے۔
خبر کا کوڈ : 1026015
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش