QR Code

عالمی منڈی میں تیل کی قیمتوں میں 5 فیصد سے زائد کمی ہوگئی

21 Nov 2022 22:00

سعودی عرب اور دوسرے اوپیک ملکوں نے تیل کی عالمی پیداوار بڑھانے پر بات چیت شروع کر دی ہے۔ امریکا پہلے ہی تیل کی قیمت بڑھنے پر پریشان ہے اور تیل کی عالمی پیداوار میں اضافہ چاہتا ہے۔

اسلام ٹائمز۔ عالمی منڈی میں تیل کی قیمتوں میں 5 فیصد سے زائد کمی ہوگئی۔ لندن برینٹ خام تیل 82 ڈالر فی بیرل میں فروخت ہوا جبکہ ڈبلیو ٹی آئی خام تیل 75 ڈالر فی بیرل کی سطح پر موجود رہا۔ گیس کی قیمت پانچ فیصد اضافے سے 6 ڈالر 60 سینٹس فی یونٹ پر موجود رہی۔ دوسری جانب سعودی عرب اور دوسرے اوپیک ملکوں نے تیل کی عالمی پیداوار بڑھانے پر بات چیت شروع کر دی ہے۔

امریکا پہلے ہی تیل کی قیمت بڑھنے پر پریشان ہے اور تیل کی عالمی پیداوار میں اضافہ چاہتا ہے۔ معروف امریکی اخبار وال اسٹریٹ جرنل کے مطابق اوپیک پلس ممالک تیل کی پیداوار میں پانچ لاکھ بیرل یومیہ اضافے پر بات کریں گے۔ اس مقصد کے لیے ان ملکوں کا اجلاس 4 دسمبر کو ہوگا۔ ادھر یورپی یونین نے روسی تیل پر پابندیاں لگانے کا اعلان کیا ہے۔

خبر کا کوڈ: 1026030