اسلام ٹائمز - جو بھی آرمی چیف آئے گا، وہ سیاست سے دور ملک اور اپنے ادارے کا وفادار ہوگا، شیخ رشید

تعیناتی کیلئے سمری آگئی، اب کسی کی پسند ناپسند کا نہیں میرٹ کاسوال ہوگا

جو بھی آرمی چیف آئے گا، وہ سیاست سے دور ملک اور اپنے ادارے کا وفادار ہوگا، شیخ رشید

سماجی رابطے کی ویب سائٹ ٹوئٹر پر اپنے پیغام میں پاکستان عوامی مسلم لیگ کے سربراہ کا کہنا تھا کہ نیا آنیوالا آرمی چیف تباہ حال معیشت کو سہارا دینے کی کوشش کریگا، نواز شریف نے جسکو بھی تعینات کیا، اُسی سے جوڈو کراٹے کئے۔

اسلام ٹائمز۔ پاکستان عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ تعیناتی کے لئے سمری آگئی ہے، سارے نام شامل کرکے ادارے نے دور اندیشی کا ثبوت دیا ہے۔ سماجی رابطے کی ویب سائٹ ٹوئٹر پر اپنے پیغام میں شیخ رشید احمد نے لکھا کہ اب کسی کی پسند ناپسند کا نہیں میرٹ کا سوال ہوگا، جو بھی آرمی چیف آئے گا، وہ سیاست سے دور ملک اور اپنے ادارے کا وفادار ہوگا۔ سربراہ عوامی مسلم لیگ کا کہنا تھا کہ نیا آنے والا آرمی چیف تباہ حال معیشت کو سہارا دینے کی کوشش کرے گا، نواز شریف نے جس کو بھی تعینات کیا، اُسی سے جوڈو کراٹے کئے۔