0
Thursday 24 Nov 2022 23:48

آرمی چیف مقرر ہونے پر جنرل عاصم منیر کیلئے نیک تمناؤں کا اظہار کرتے ہیں، پی ٹی آئی

آرمی چیف مقرر ہونے پر جنرل عاصم منیر کیلئے نیک تمناؤں کا اظہار کرتے ہیں، پی ٹی آئی
اسلام ٹائمز۔ نئے آرمی چیف اور نئے جوائنٹ چیفس آف اسٹاف کمیٹی کی تقرری کے بعد پاکستان تحریک انصاف نے باضابطہ اعلامیہ جاری کر دیا۔ پی ٹی آئی کے اعلامیے میں کہا گیا کہ فوج کی نئی قیادت سے ہماری توقع ہے کہ آئینی حقوق کی بحالی میں کردار ادا کرے گی، فوج کی نئی قیادت سے توقع ہے کہ جمہوریت کے استحکام کے لیے اپنا کردار ادا کرے گی۔ تحریک انصاف نے کہا کہ فوج کے نئے سربراہ کی تقرری کے ضمن میں صدر مملکت کا اعلامیہ آچکا ہے، جوائنٹ چیفس آف اسٹاف کمیٹی مقرر ہونے پر جنرل ساحر شمشاد کے لیے نیک تمناؤں کا اظہار کرتے ہیں۔

پی ٹی آئی نے کہا کہ آرمی چیف مقرر ہونے پر جنرل عاصم منیر کے لیے بھی نیک تمناؤں کا اظہار کرتے ہیں۔ اعلامیے میں کہا گیا کہ 8 ماہ کے واقعات نے واضح طور پر ملک میں تفریق پیدا کی، 8 ماہ میں جو اقدامات کیے گئے، ان سے ملک اور اداروں کو نقصان پہنچا۔ تحریک انصاف نے کہا کہ پاکستان میں انسانی حقوق کی بدترین خلاف ورزی دیکھنے میں آئی۔ اعلامیے میں کہا گیا کہ صحافتی اداروں اور صحافیوں کو شدید دباؤ اور تشدد کا نشانہ بنایا گیا، ارشد شریف جیسے نامور صحافی شہید کر دیئے گئے۔
خبر کا کوڈ : 1026669
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش