0
Sunday 27 Nov 2022 04:30

بیلاروس کے وزیر خارجہ ولادیمیر ماکی اچانک انتقال کرگئے

بیلاروس کے وزیر خارجہ ولادیمیر ماکی اچانک انتقال کرگئے
اسلام ٹائمز۔ بیلاروس کے وزیر خارجہ ولادیمیر ماکی 64 برس کی عمر میں اچانک انتقال کرگئے۔ بیلاروس کی وزارت خارجہ نے اپنے بیان میں کہا ہے کہ ان کے وزیر خارجہ آج اچانک انتقال کرگئے ہیں، وزارت کی جانب سے ان کی موت کی وجہ نہیں بتائی گئی۔ غیر ملکی میڈیا کے مطابق ولادیمیر ماکی 1958ء میں بیلاروس کے علاقے گروڈنو میں پیدا ہوئے، وہ 2012ء سے وزارت خارجہ کے امور سنبھال رہے تھے۔ روسی میڈیا کے مطابق بیلاروس کے آنجہانی وزیر خارجہ کی پیر کے روز روسی وزیر خارجہ سرگئی لاروف سے ملاقات طے تھی۔

بیلاروس کے صدر الیگزینڈر لوکاشینکو نے وزیر خارجہ کی موت پر دکھ کا اظہار کرتے ہوئے ان کے لواحقین سے اظہار افسوس کیا ہے۔ دوسری جانب روس نے ولادیمیر ماکی کی اچانک موت کو گہرا صدمہ قرار دیتے ہوئے کہا ہے کہ انہوں نے ہمیشہ روس اور بیلاروس کے تعلقات کو مزید مضبوط بنانے میں اہم کردار ادا کیا۔
خبر کا کوڈ : 1027120
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش