حکومت بلوچستان نے نئے ضلع کے قیام کا نوٹیفیکیشن واپس لے لیا

اسلام ٹائمز۔ بلوچستان کی صوبائی حکومت نے نئے ضلع کاریزات کے قیام کے حوالے سے جاری دو نوٹیفیکیشن واپس لے لئے۔ قائم مقام گورنر بلوچستان کے حکم سے جاری شدہ اعلامیہ میں کہا گیا ہے کہ ضلع کاریزات کے قیام کے حوالے سے جاری ہونے والے اکیس اور بائیس نومبر کے نوٹیفیکیشنز واپس لے لئے گئے ہیں۔ اعلامیہ میں مزید کہا گیا ہے کہ اس حوالے سے کئے گئے تمام اقدامات بھی واپس لے لئے گئے ہیں۔