سی ٹی ڈی طرز پر وفاق کی سطح پر بھی ادارہ بنانے کی تجویز

اسلام ٹائمز۔ نیشنل کونٹر ٹیررازم اتھارٹی نے پنجاب طرز کا انسداد دہشتگردی ڈیپارٹمنٹ قومی سطح پر بنانے کی تجویز دیدی ہے۔ نیشنل کاونٹر ٹیرر ازم ڈیپارٹمنٹ قومی سطح پر دہشتگرد تنظیموں کیخلاف کارروائیاں کرے گا۔ ذرائع کے مطابق نیشنل کوآرڈینیٹر  نیکٹا نے وفاقی حکومت کو تجویز دی ہے کہ پنجاب طرز پر  وفاق کی سطح پر بھی سی ٹی ڈی کا قیام عمل میں لایا جائے۔ نیشنل سی ٹی ڈی کے الگ تھانے اور  صوبائی سی ٹی ڈی سے الگ کام کرے گی۔ رپورٹ کے مطابق نیشنل سی ٹی ڈی کے قیام کیلئے ابتدائی طور پر 2 ارب روپے کا تخمینہ لگایا گیا ہے جبکہ ادارے کو بنانے کیلئے موجودہ انسداد دہشتگردی ایکٹ کے تحت تجویز دی گئی ہے۔