محکمہ تعلیم نے لاہور میں ٹرانسجینڈر اسکول کھول دیا
8 Dec 2022 12:51
افتتاح کے موقع پر بات کرتے ہوئے صوبائی وزیر تعلیم نے کہا کہ ٹرانسجینڈر طلبہ کو کتابیں، بیگ، یونیفارم، ٹرانسپورٹ اور دیگر سہولیات مفت فراہم کی جائیں گی۔
اسلام ٹائمز۔ پنجاب کے محکمہ تعلیم نے ملتان، بہاولپور اور ڈی جی خان کے بعد لاہور میں بھی ٹرانسجینڈر اسکول کھول لیا۔ اسکول میں 50 ٹرانسجینڈرز نے داخلہ لے کر تعلیم حاصل کرنا شروع کر دیا جبکہ ٹرانسجینڈرز کو تربیت یافتہ اساتذہ پڑھا رہے ہیں۔ ٹرانسجینڈر کمیونٹی کیلئے گارڈن ٹاؤن میں گورنمنٹ گرلز ہائی اسکول برکت مارکیٹ میں اسکول کھولا گیا ہے، محکمہ تعلیم پنجاب کے اس اقدام کے بعد لاہور میں رہنے والے ٹرانسجینڈرز بھی تعلیم حاصل کرسکیں گے۔ ٹرانسجینڈر اسکول کے افتتاح کے موقع پر بات کرتے ہوئے صوبائی وزیر تعلیم مراد راس نے کہا کہ ٹرانسجینڈر طلبہ کو کتابیں، بیگ، یونیفارم، ٹرانسپورٹ اور دیگر سہولیات مفت فراہم کی جائیں گی۔
خبر کا کوڈ: 1029123