خانیوال:
اسلام ٹائمز۔ خانیوال میں ڈینگی وائرس سے آگاہی مہم کے سلسلے میں واک کا اہتمام کیا گیا، ٹی ایم اے چوک سے شروع ہونے والی ڈینگی آگاہی واک کے شرکاء شہر کے مختلف راستوں سے ہوتے ہوئے سنگلاں والا چوک پہنچے، واک کی قیادت ڈی سی او اور ڈی پی او خانیوال کر رہے تھے، واک میں مختلف سکولوں سے تعلق رکھنے والے بچوں سمیت بڑی تعداد میں شہریوں نے شرکت کی، اس موقع پر مقررین کا کہنا تھا کہ ڈینگی وائرس سے حفاظتی تدابیر کے ذریعے ہی بچا جا سکتا ہے جس کے لیے عوام میں شعور اجاگر کرنے کی ضرورت ہے جبکہ بہاولپور میں ڈینگی بخار کے مریضوں کی تعداد 67 تک جا پہنچی ہے، 10 مریضوں کو ہسپتال داخل کیا گیا جن میں 6 افراد کے ٹیسٹ میں ڈینگی کی تشخیص ہوئی ہے۔