QR Code

کیا جماعت اسلامی کی درخواست کوئی آسمانی صحیفہ ہے، سعید غنی

27 Jan 2023 20:31

کراچی میں پریس کانفرنس کے دوران صوبائی وزیر نے کہا کہ جماعت اسلامی کا موقف ہے کہ فارم 11 پر نتیجہ کچھ اور ہے اور جو نتائج جاری کئے گئے ہیں وہ کچھ اور ہیں، ایک پریس ریلیز جاری کردی گئی کہ جماعت اسلامی کی درخواست پر 25 تاریخ کو سماعت ہوگی۔

اسلام ٹائمز۔ سندھ کے وزیر محنت سعید غنی نے کہا ہے کہ الیکشن کمیشن بلدیاتی انتخابات کے فارم 11 اور آر او (ریٹرننگ آفیسر) کے رزلٹ میں فرق کا فیصلہ نہ کرے۔ کراچی میں پریس کانفرنس کے دوران سعید غنی نے کہا کہ الیکشن کمیشن جماعت اسلامی کے دباؤ پر رزلٹ روک رہا ہے۔ سعید غنی نے کہا کہ کیا جماعت اسلامی کی درخواست کوئی آسمانی صحیفہ ہے؟ صوبائی وزیر نے کہا کہ جماعت اسلامی کا موقف ہے کہ فارم 11 پر نتیجہ کچھ اور ہے اور جو نتائج جاری کئے گئے ہیں وہ کچھ اور ہیں، ایک پریس ریلیز جاری کردی گئی کہ جماعت اسلامی کی درخواست پر 25 تاریخ کو سماعت ہوگی۔ سعید غنی نے کہا کہ الیکشن کمیشن کی جانب سے کوئی با قاعدہ آرڈر جاری نہیں کیا گیا، الیکشن کمیشن نے ان تین یو سیز کے زبانی طور پر نتائج روک دیئے، اس قسم کے کسی فیصلے کی قانون کی نظر میں کوئی حیثیت نہیں ہوتی۔ انہوں نے کہا کہ حافظ نعیم چاہتے ہیں کہ دوبارہ گنتی میں الیکشن کمیشن کا نمائندہ شامل ہو۔

خبر کا کوڈ: 1038055