QR Code

قیمتوں میں اضافے کی افواہوں پر سکردو میں تمام پٹرول پمپ بند ہو گئے

28 Jan 2023 21:50

یاد رہے کہ سکردو میں پٹرول پمپوں کا بند ہونا معمول ہے۔ گلگت سکردو روڈ ایک روز کیلئے ہی بند ہونے کی صورت میں سکردو میں پٹرول کی شدید قلت پیدا ہو جاتی ہے۔

اسلام ٹائمز۔ پٹرولیم مصنوعات کی قیمتوں میں اضافے کی افواہوں پر سکردو میں ایک بار پھر تمام پٹرول پمپ بند ہو گئے اور پورے شہر میں پٹرول کی شدید قلت پیدا ہو گئی ہے۔ میڈیا اور شوشل میڈیا پر پٹرول کی قیمت میں 84 روپے فی لیٹر اضافے کی افواہوں پر سکردو میں پٹرول مافیا ایک بار پھر سرگرم ہو گیا اور دیکھتے ہی دیکھتے شہر کے تمام پٹرول پمپ بند ہو گئے۔ اکثر پٹرول پمپ پر پٹرول نہ ہونے کا بورڈ لگا دیا گیا ہے جبکہ عوام کو شدید پریشانی کا سامنا کرنا پڑ رہا ہے۔ یاد رہے کہ سکردو میں پٹرول پمپوں کا بند ہونا معمول ہے۔ گلگت سکردو روڈ ایک روز کیلئے ہی بند ہونے کی صورت میں سکردو میں پٹرول کی شدید قلت پیدا ہو جاتی ہے۔

خبر کا کوڈ: 1038255