QR Code

اصفہان میں حالیہ تخریبکاری کی کارروائی کے حوالے سے یوکرینی حکام کے مخالفانہ موقف پر کنعانی کا ردعمل

31 Jan 2023 02:38

ایرانی وزارت خارجہ کے ترجمان نے کل بروز پیر کو یوکرین کے صدارتی دفتر کے مشیر کے معاندانہ اور اشتعال انگیز موقف کی مذمت کی اور حالیہ تخریب کاری کے واقعہ کے حوالے سے انکے بیانات پر سوال اٹھایا۔

اسلام ٹائمز۔ اسلامی جمہوریہ ایران کی وزارت خارجہ کے ترجمان نے اصفہان میں فوجی مرکز کے خلاف حالیہ تخریب کاری کی کارروائی کے حوالے سے یوکرین کے صدر کے مشیر کے معاندانہ اور اشتعال انگیز موقف کو مشکوک قرار دیا اور اس ملک سے واضح، شفاف اور سرکاری وضاحت کا مطالبہ کیا۔ فارس نیوز ایجنسی کے فارن ڈیسک کے مطابق، ایرانی وزارت خارجہ کے ترجمان ناصر کنعانی نے کل بروز پیر کو یوکرین کے صدارتی دفتر کے مشیر کے معاندانہ اور اشتعال انگیز موقف کی مذمت کی اور حالیہ تخریب کاری کے واقعہ کے حوالے سے ان کے بیانات پر سوال اٹھایا۔ انہوں نے اس سلسلے میں یوکرین کی حکومت سے باضابطہ اور واضح وضاحت کا مطالبہ کیا۔

ایرانی وزارت خارجہ کے ترجمان کا مزید کہنا تھا کہ  اسلامی جمہوریہ ایران نے بین الاقوامی قانون کے قبول شدہ اصولوں پر توجہ دیتے ہوئے ہمیشہ قومی سلامتی اور اپنے مفادات کے تحفظ پر تاکید کی ہے اور ایران اس حوالے سے کسی بھی فریق کے ساتھ کوئی سمجھوتہ نہیں کرے گا۔ کنعانی نے واضح کیا کہ اسلامی جمہوریہ ایران بین الاقوامی قوانین کے خلاف اقدامات کرنے والے فریقوں کے خلاف جوابی اقدامات کرنے کا اپنا جائز اور قانونی حق محفوظ رکھتا ہے۔ فارس نیوز کے مطابق تہران میں یوکرین کے کارگزار کو بھی ایران کی وزارت خارجہ میں طلب کیا گیا اور انہیں ایک احتجاجی مراسلہ پیش کیا گیا۔

خبر کا کوڈ: 1038702