اسلام ٹائمز۔ شیعہ علما کونسل پاکستان ضلع ملتان کے صدر مولانا اعجاز حسین بہشتی نے جاری پشاور واقعہ پر اپنے مذمتی بیان میں پشاور پولیس لائن کی مسجد میں دوران نماز دھماکے پر افسوس کا اظہار کیا اور دہشتگردی کے واقعے کی شدید مذمت کی۔ مولانا اعجاز حسین بہشتی نے کہا کہ حساس اور ہائی سیکیورٹی زون میں دہشتگردی کا یہ واقعہ سکیورٹی نافذ کرنے والے اداروں کی کارکردگی پر سوالیہ نشان ہے، قانون نافذ کرنے والے ادارے اس واقعے کی مکمل تحقیقات کرکے دہشتگرد عناصر کے خلاف کاروائی کریں، انہوں نے واقعے میں زخمی ہونے والے افراد کی جلد صحتیابی کی دعا کی۔