QR Code

مصطفوی معاشرے کی تشکیل کیلئے مصطفوی فکر کو اپنانا ہوگا، ڈاکٹر حسن محی الدین

2 Feb 2023 23:33

چیئرمین سپریم کونسل منہاج القرآن انٹرنیشنل ڈاکٹر حسن محی الدین القادری نے ملتان میں کارکنان کے ساتھ خصوصی نشست میں خطاب کرتے ہوئے کہا کہ معاشرے کے بگاڑ کو درست کرنے کیلئے مجددین امت نے ہر دور میں نعرہ حق بلند کیا، منہاج القرآن شیخ الاسلام ڈاکٹر طاہرالقادری کی قیادت میں اصلاح احوال امت کیلئے سرگرم عمل ہے۔

اسلام ٹائمز۔ چیئرمین سپریم کونسل منہاج القرآن انٹرنیشنل صاحبزادہ ڈاکٹر حسن محی الدین القادری نے ملتان میں کارکنان کے ساتھ خصوصی نشست سے خطاب کرتے ہوئے کہا کہ آج کا معاشرہ اخلاقی، سیاسی، معاشی حوالے سے زوال و انحطاط اور گراوٹ کا شکار ہوچکا ہے، انسانیت معدوم ہوچکی ہے، رشتوں کا تقدس پامال ہورہا ہے، دینی حمیت کے رشتے بھی نقوش کھو رہے ہیں، روح پر مادیت کے پردے غلبہ پاچکے ہیں۔ دنیا کے پجاریوں نے مادیت پرستی کو اپنا مقصد حیات بنا لیا ہے۔ ظلم و جبر اور ہوس پرستی کا شکار معاشرے زیادہ دیر اپنا وجود برقرار نہیں رکھ سکتے۔ ایسے حالات میں اہل حق کو اصلاح احوال معاشرہ کیلئے اپنا کردار ادا کرنا ناگزیر ہو جاتاہے۔ آج مادیت زدہ معاشرے کو مصطفوی معاشرے میں بدلنے کیلئے مصطفوی فکر کو اپنانا ہوگا۔ امت کے اخلاق و کردار کو سنوارنے اورمعاشرے کے بگاڑ کو درست کرنے کیلئے مجددین امت نے ہر دور میں نعرہ حق بلند کیا۔ خصوصی تربیتی نشست میں ناظم اعلی خرم نوازگنڈاپور، راجہ زاہد محمود، علامہ رانا ادریس قادری، سردار شاکرمزاری، میاں نوراحمد سہو، ڈاکٹر زبیر اے خان، راو عارف رضوی، قاری ریاست علی چدھڑ، قاضی فیض الاسلام، راشد مصطفوی، جاوید اشرف وڑائچ، احمد قریشی، پروفیسر جاوید اختر زواری اور دیگر مرکزی و صوبائی قائدین نے شرکت کی۔

خبر کا کوڈ: 1039222