ڈیرہ اسماعیل خان، ایم ڈبلیو ایم کیجانب سے شہدائے پشاور کی یاد میں شمعیں روشن

اسلام ٹائمز۔ سانحہ مسجد پولیس لائنز پشاور کے شہداء کی یاد میں مجلس وحدت مسلمین کی جانب سے ڈیرہ اسماعیل خان کے توپانوالا چوک شمعیں روشن کی گئیں، اس موقع پر ایم ڈبلیو ایم کے صوبائی نائب صدر سید اسد علی زیدی، ڈی آئی خان کے ضلعی صدر مولانا سید غضنفر نقوی اور دیگر ذمہ داران بھی موجود تھے۔ علاوہ ازیں پولیس افسران بھی اس تقریب میں شریک ہوئے، آخر میں مولانا سید غضنفر نقوی نے شہید پولیس اہلکاروں کو خراج عقیدت پیش کرتے ہوئے دعا کی کہ خداوند متعال شہداء کے درجات بلند کرے، لواحقین کو صبر جمیل اور زخمیوں کو جلد صحت یابی عطا فرمائے۔