QR Code

بینظیر بھٹو کی شہادت کے بعد انتخابات آگے چلے گئے تھے

جب تک وفاق میں نگراں حکومت نہ ہو، دو صوبوں پنجاب اور کے پی میں انتخابات ممکن نہیں، ملک احمد خان

عمران خان، عارف علوی، سرفراز چیمہ، قاسم سوری اور فواد چوہدری پر آرٹیکل 6 لگتا ہے

7 Feb 2023 00:30

ایک نجی ٹی وی چینل کے پروگرام میں گفتگو کے دوران وزیراعظم کے معاون خصوصی کا کہنا تھا کہ تحریک انصاف کسی کو مجبور نہیں کرسکتی کہ باقی اسمبلیاں تحلیل کرے۔ انکا کہنا تھا کہ ہم نے تحریک انصاف کو پارلیمان آنے کا کہا، انہوں نے مذاق بنایا اور پارلیمنٹ نہیں آئے تو استعفے منظور ہوئے۔

اسلام ٹائمز۔ وزیراعظم شہباز شریف کے معاون خصوصی ملک احمد خان نے پاکستان تحریک انصاف (پی ٹی آئی) کے جن رہنماؤں پر آرٹیکل 6 لگتا ہے، ان کے نام بتا دیئے۔ ایک نجی ٹی وی چینل کے پروگرام میں گفتگو کے دوران ملک احمد خان نے پی ٹی آئی کی جیل بھرو تحریک پر بھی تبصرہ کیا۔ انہوں نے کہا کہ جب تک وفاق میں نگراں حکومت نہ ہو، دو صوبوں پنجاب اور خیبر پختونخوا میں انتخابات ممکن نہیں۔ وزیراعظم کے معاون خصوصی نے مزید کہا کہ تحریک انصاف کسی کو مجبور نہیں کرسکتی کہ باقی اسمبلیاں تحلیل کرے۔ ان کا کہنا تھا کہ ہم نے تحریک انصاف کو پارلیمان آنے کا کہا، انہوں نے مذاق بنایا اور پارلیمنٹ نہیں آئے تو استعفے منظور ہوئے۔

ملک احمد خان نے یہ بھی کہا کہ یہ جیل بھرو تحریک شوق سے شروع کریں، ان کے 3، 4 لوگ جیل گئے اور روتے ہوئے باہر آئے۔ انہوں نے کہا کہ حکومت سے بارہا کہا پی ٹی آئی لیڈر شپ کے خلاف بڑے مقدمے بنتے ہیں، ان پر آرٹیکل 6 لگتا ہے۔ وزیراعظم کے معاون خصوصی نے کہا کہ عمران خان، عارف علوی، سرفراز چیمہ، قاسم سوری اور فواد چوہدری پر آرٹیکل 6 لگتا ہے۔ ان کا کہنا تھا کہ بینظیر بھٹو کی شہادت کے بعد انتخابات آگے چلے گئے تھے۔ وزیراعظم کے معاون خصوصی نے کہا کہ جنرل (ر) قمر جاوید باجوہ سے نیاز مندی کا رشتہ آج زیادہ مضبوط ہے۔

خبر کا کوڈ: 1039929