QR CodeQR Code

لیہ، ساجد حسین گشکوری ایم ڈبلیو ایم لیہ کے دوبارہ ضلعی صدر منتخب

13 Mar 2023 00:44

ضلعی شوریٰ کے اجلاس سے خطاب کرتے ہوئے ایم ڈبلیو ایم کے مرکزی ڈپٹی جنرل سیکرٹری سلیم عباس صدیقی نے کہا کہ ہم نے ہر کام اللہ کے لیے کرنا ہے، عزاداری ہماری جان ہے اس کے فروغ کے لیئے تمام کاوشیں کرنی چاہئے، ہمیں نظام سیاست ہو یا نظام معیشت سب حضرت محمد صلی اللہ علیہ وآلہ وسلم و اہلبیت علیہ السلام سے لینا چاہیئے۔


اسلام ٹائمز۔ مجلس وحدت مسلمین ضلع لیہ کی ضلعی شوریٰ کا اجلاس ضلعی آرگنائزر ساجد حسین گشکوری کی زیرصدارت منعقد ہوا، اجلاس میں مجلس وحدت مسلمین پاکستان کے مرکزی ڈپٹی جنرل سیکرٹری سلیم عباس صدیقی، صوبائی سیکرٹری تنظیم سازی سید دلاور عباس زیدی، صوبائی سیکرٹری ایمپلائز ونگ سید اجمل نقوی، مجلس علمائے شیعہ جنوبی پنجاب کے رہنما مولانا ساجد رضا اسدی، سابق ضلعی صدر جمیل خان، صفدر خان، قیصرعباس میرانی، امیر عباس نقوی، مولانا اکبر ترابی اور دیگر نے شرکت کی۔ اس موقع پر خطاب کرتے ہوئے سلیم عباس صدیقی نے کہا کہ ہم نے ہر کام اللہ کے لیے کرنا ہے، عزاداری ہماری جان ہے اس کے فروغ کے لیئے تمام کاوشیں کرنی چاہئے، ہمیں نظام سیاست ہو یا نظام معیشت سب حضرت محمد صلی اللہ علیہ وآلہ وسلم و اہلبیت علیہ السلام سے لینا چاہیئے۔ اجلاس کے اختتام پر اکثریت رائے سے ساجد حسین گشکوری کو دوسری بار مجلس وحدت مسلمین لیہ کا ضلعی صدر منتخب کیا گیا۔ نومنتخب صدر سے مرکزی ڈپٹی جنرل سیکرٹری سلیم عباس صدیقی نے حلف لیا۔ بعدازاں ضلعی صدر ساجد حسین گشکوری نے اپنی ضلعی کابینہ کا بھی اعلان کردیا جس میں سید مودت نقوی، حاجی غلام عباس، مولانا منظور گشکوری، محمد صفدر خان میرالی، ایڈووکیٹ بخت علی سہو شامل ہیں۔


خبر کا کوڈ: 1046369

خبر کا ایڈریس :
https://www.islamtimes.org/ur/news/1046369/لیہ-ساجد-حسین-گشکوری-ایم-ڈبلیو-کے-دوبارہ-ضلعی-صدر-منتخب

اسلام ٹائمز
  https://www.islamtimes.org