آئی ایم ایف کے ساتھ معاہدے میں تاخیر، حکومت کا امریکا سے بات کرنے کا فیصلہ

اسلام ٹائمز۔ حکومتِ پاکستان نے (آئی ایم ایف) سے اسٹاف لیول معاہدے میں تاخیر پر امریکا سے بات کرنے کا فیصلہ کرلیا ہے اور کہا ہے کہ تمام شرائط پر عملدرآمد ہوچکا، معاہدے میں تاخیر کا جواز نہیں۔ تفصیلات کے مطابق پاکستان اور (آئی ایم ایف) کے درمیان اسٹاف لیول معاہدے میں تاخیر پر حکومت نے امریکا سے بات کرنے کا فیصلہ کرلیا۔ ذرائع وزارت خزانہ نے کہا ہے کہ تمام شرائط پر عملدرآمد ہوچکا، معاہدے میں تاخیر کا جواز نہیں، وزیر خارجہ نے بھی امریکی حکام سے (آئی ایم ایف) معاہدے پر بات کی۔

ذرائع نے بتایا کہ معاشی ٹیم نے (آئی ایم ایف) کی طرف سے جو شرائط عائد کی گئیں، ان پر من و عن عمل کیا، وزیر خزانہ اسحاق ڈار امریکی سفیر سے (آئی ایم ایف) معاہدے پر بات کریں گے۔ وزارت خزانہ نے کہا کہ امریکا سے بات چیت کے بعد رواں ہفتے کے دوران (آئی ایم ایف) سے معاہدے کا امکان ہے۔ ذرائع کے مطابق آج بھی (آئی ایم ایف) کے ساتھ ورچوئل مذاکرات ہوں گے، آئی ایم ایف شرائط منوا کر دوبارہ انہی شرائط پر بات کر رہا ہے۔