نئی قیمتوں کا اطلاق 16 مارچ کو رات 12 بجے سے ہوگیا
پٹرول کی قیمت میں 5 روپے فی لیٹر اور ہائی اسپیڈ ڈیزل 13 روپے فی لیٹر اضافہ
16 Mar 2023 01:06
فنانس ڈویژن کے اعلامیہ میں کہا گیا کہ پچھلے 15 دن میں پاکستانی روپے کی قدر میں کمی کے نتیجے میں پاکستان میں مصنوعات کی قیمتوں میں اضافہ ہوا ہے۔
اسلام ٹائمز۔ حکومت نے پٹرولیم مصنوعات کی قیمتوں میں اضافہ کر دیا۔ نوٹی فکیشن کے مطابق حکومت نے پٹرول کی قیمت میں 5 روپے فی لیٹر اضافہ کر دیا، جس کے بعد نئی قیمت 272 روپے فی لیٹر جبکہ ہائی اسپیڈ ڈیزل 13 روپے فی لیٹر اضافے کے بعد نئی قیمت 293 روپے فی لیٹر ہوگئی۔ نوٹی فکیشن کے مطابق حکومت نے مٹی کے تیل کی قیمت میں 2 روپے 56 پیسے فی لیٹر اضافہ کیا جبکہ لائٹ ڈیزل کی قیمت برقرار رکھی گئی ہے۔
خبر کا کوڈ: 1046943