اسلام ٹائمز - رمضان پیکج کے تحت پنجاب اور خیبر پختونخوا میں آٹے کی مفت فراہمی شروع

رمضان پیکج کے تحت پنجاب اور خیبر پختونخوا میں آٹے کی مفت فراہمی شروع

ڈپٹی کمشنر اسلام آباد عرفان نواز میمن کا کہنا ہے کہ ہر رجسٹرڈ صارف کو پہلی مرتبہ 10 کلو آٹے کا ایک تھیلا ملے گا اور 2 تھیلے 7 دن بعد ملیں گے۔ پورے مہینے کے لیے آٹے کے 3 تھیلے ملیں گے۔

اسلام ٹائمز۔ رمضان پیکج کے تحت پنجاب ، خیبر پختونخوا اور اسلام آباد میں مفت آٹے کی فراہمی شروع ہوگئی۔ وزیراعظم شہباز شریف کی ہدایت پرخصوصی رمضان پیکج پر عمل درآمد کا آغاز ہوگیا ہے جس کے تحت غریب خاندانوں کو مفت آٹا فراہم کیا جائے گا۔ شعبان کی 25 تاریخ سے رمضان کی 25 تاریخ تک ہر غریب خاندان کو آٹے کے 3 تھیلے ملیں گے۔ وزیراعظم دیگر صوبائی حکومتوں کو بھی غریب عوام کو مفت آٹا فراہم کرنے کی ہدایت کر چکے ہیں۔

ڈپٹی کمشنر اسلام آباد عرفان نواز میمن کا کہنا ہے کہ ہر رجسٹرڈ صارف کو پہلی مرتبہ 10 کلو آٹے کا ایک تھیلا ملے گا اور 2 تھیلے 7 دن بعد ملیں گے۔ پورے مہینے کے لیے آٹے کے 3 تھیلے ملیں گے۔ ڈپٹی کمشنر اسلام آباد نے مزید کہا کہ مفت آٹے کے معیار پر کسی قسم کا سمجھوتا نہیں کریں گے مفت آٹے کی تقسیم شفاف طریقے سے یقینی بنائی جائے گی۔