اسلام ٹائمز - فاشسٹ اور انتہاء پسند عمران نیازی بے نقاب ہوگیا، شہباز شریف

فاشسٹ اور انتہاء پسند عمران نیازی بے نقاب ہوگیا، شہباز شریف

اپنے ٹوئٹر پیغام میں وزیراعظم نے عمران خان پر تنقیدی وار کرتے ہوئے کہا کہ لوگوں کو انسانی ڈھال بنانا، پولیس پر پیٹرول بم پھینکنا، جتھوں کی قیادت کرکے عدلیہ کو خوف زدہ کرنا۔ عمران خان نے یہ سبق بھارتی انتہا پسند تنظیم آر ایس ایس سے سیکھا ہے۔

اسلام ٹائمز۔ وزیراعظم محمد شہباز شریف نے کہا ہے کہ اگر کسی کو کوئی شک ہو تو دیکھ لے کہ عمران نیازی کی گذشتہ چند دنوں کی حرکات نے اس کے فاشسٹ اور عسکریت پسندانہ رجحانات کو عیاں کر دیا ہے۔ سماجی رابطوں کی ویب سائٹ ٹوئٹر پر اپنے پیغام میں انہوں نے کہا کہ لوگوں کو انسانی ڈھال کے طور پر استعمال کرنے سے لے کر پولیس پر پٹرول بم پھینکنے سے، عدلیہ کو دھمکانے کے لیے جتھوں کی قیادت تک، اس نے آر ایس ایس کی پیروی کا ثبوت دیا۔