اسلام ٹائمز - ایک عالم دین کی گرفتاری عالم تشیع کیلئے بے آبروئی کا سبب ہے، مولانا سید شمیم الحسن

ایک عالم دین کی گرفتاری عالم تشیع کیلئے بے آبروئی کا سبب ہے، مولانا سید شمیم الحسن

عمید جامعہ جوادیہ نے مومنین بہار کو ایک اہم پیغام دیتے ہوئے کہا کہ مظفرپور کے مومنین سے گزارش کرتے ہیں باہمی اتحاد اور امن کی فضا قائم کریں۔

اسلام ٹائمز۔ عمید جامعہ علمیہ جوادیہ بنارس مولانا سید شمیم الحسن نے حکومت بہار سے مولانا شبیب کا ظم کی فوری رہائی کا مطالبہ کرتے ہوئے کہا کہ دو روز قبل مظفرپور بہار میں رونما ہونے والے نامناسب واقعے سے دلی صدمہ ہوا ہے۔ انہوں نے کہا کہ ایک عالم دین کی گرفتاری عالم تشیع کے لئے زبردست بے آبروئی کا سبب ہے۔ انہوں نے کہا کہ ہم حکومت بہار کے اس اقدام کی پرزور مذمت کرتے ہوئے اعلی افسران سے سفارش کرتے ہیں کہ وہ مولانا شبیب کاظم کی رہائی کے لئے جلد اقدامات کرے تاکہ یہ عالم تشیع کے لئے دلی تسکین کا باعث بنے۔ عمید جامعہ جوادیہ نے مومنین بہار کو ایک اہم پیغام دیتے ہوئے کہا کہ مظفرپور کے مومنین سے گزارش کرتے ہیں باہمی اتحاد اور امن کی فضا قائم کریں۔ انہوں نے کہا کہ مولانا شبیب کاظم ایک عالم دین ہیں لہذا اپنے لہجے اور نہج گفتگو پر توجہ دیں اور "و جادلھم بالتی ھی احسن" پر عمل کریں۔