QR Code

اب پاکستانیوں کو عدلیہ اور وکلاء برادری کیساتھ کھڑے ہونا ہوگا

انتخابات ملتوی کرکے آئین شکنی کی گئی، عمران خان

خاموش رہنا پاکستان میں آئین و قانون کی بالادستی ختم کرنا ہے

23 Mar 2023 00:47

الیکشن کمیشن نے پنجاب اسمبلی کے 30 اپریل کو ہونیوالے انتخابات ملتوی کر دیئے۔ الیکشن کمیشن نے انتخابات ملتوی کرنے کا باضابطہ حکم نامہ جاری کر دیا، جسکے مطابق پنجاب میں الیکشن 8 اکتوبر کو ہونگے۔

اسلام ٹائمز۔ پاکستان تحریک انصاف کے چیئرمین عمران خان کا کہنا ہے کہ الیکشن کمیشن نے انتخابات ملتوی کرکے آئین شکنی کی ہے۔ سماجی رابطے کی ویب سائٹ ٹوئٹر پر اپنے بیان میں چیئرمین پی ٹی آئی عمران خان نے کہا کہ ہم نے اپنی 2 صوبائی اسمبلیوں کو اس امید پر تحلیل کیا کہ انتخابات 90 روز میں ہوں گے۔ عمران خان کا کہنا تھا کہ ہم نے یہ قدم اس لیے نہیں اٹھایا تھا کہ فاشسٹوں کا گروہ آئین و قانون سے کھلواڑ کرے۔

انہوں نے کہا کہ خاموش رہنا پاکستان میں آئین و قانون کی بالادستی ختم کرنا ہے۔ پی ٹی آئی چیئرمین نے مزید کہا کہ اب پاکستانیوں کو عدلیہ اور وکلاء برادری کے ساتھ کھڑے ہونا ہوگا۔ واضح رہے کہ الیکشن کمیشن نے پنجاب اسمبلی کے 30 اپریل کو ہونے والے انتخابات ملتوی کر دیئے۔ الیکشن کمیشن نے انتخابات ملتوی کرنے کا باضابطہ حکم نامہ جاری کر دیا، جس کے مطابق پنجاب میں الیکشن 8 اکتوبر کو ہوں گے۔

خبر کا کوڈ: 1048207