یوگی حکومت میں ترقی کے دعوے صرف کاغذی ہیں، مایاوتی

اسلام ٹائمز۔ اترپردیش میں یوگی حکومت کے 6 سال مکمل ہونے پر بھوجن سماجوادی پارٹی کی سربراہ مایاوتی کا ردعمل سامنے آیا ہے۔ انہوں نے ایک ٹوئٹ میں لکھا کہ حکومت مہنگی تشہیر کے ذریعے بڑے بڑے دعوے کر رہی ہے، اگر اس کا تعلق زمینی حقیقت سے ہوتا تو درست ہوتا۔ مایاوتی کا مزید کہنا تھا کہ غریبوں، پسماندہ لوگوں میں جوش کم اور مایوسی زیادہ ہے اور یوپی کی خوشی کا حکومت کا دعوٰی زیادہ تر کاغذوں پر ہے۔ حکومت پر تنقید کرتے ہوئے مایاوتی نے کہا کہ حکومت کو سیاسی، ذات پات کی تفرت کو ترک کر دینا چاہیئے۔ خیال رہے کہ اترپردیش میں یوگی حکومت کے 6 سال مکمل ہوگئے ہیں۔ ایسے میں بی جے پی حکومت اپنے دور اقتدار کی کامیابیاں گنا رہی ہے، وہیں اپوزیشن اس کو لے کر حکومت پر مسلسل حملے کر رہی ہے۔ یہی وجہ ہے کہ اب بی ایس پی کی سربراہ مایاوتی نے ٹوئٹ کر کے حکومت کو اپنے سوالوں سے گھیر لیا ہے۔

بھوجن سماجوادی پارٹی کی سربراہ مایاوتی نے ایک ٹوئٹ میں لکھا کہ یوپی میں بی جے پی کی ڈبل انجن والی حکومت کے 6 سال مکمل ہونے کے بارے میں مہنگی تشہیر کے ذریعے جو بلند بانگ دعوے کئے جا رہے ہیں، اگر ان کا زمینی حقیقت سے واسطہ ہوتا تو مناسب ہوتا، لیکن اس کی وجہ سے ایسا نہیں ہو رہا، کروڑوں غریب اور پسماندہ لوگوں میں جوش کم۔ حکومت کو مشورہ دیتے ہوئے مایاوتی نے ایک ٹوئٹ میں لکھا کہ چاہے وہ ترقی ہو، روزگار ہو، قانون کی حکمرانی ہو یا ایک ضلع، ایک میڈیکل کالج وغیرہ، ’اترپردیش خوشحال‘ کے بارے میں یوگی حکومت کے دعوے زیادہ تر کاغذی اور ہوائی ہی ہیں۔ انہوں نے کہا کہ یوگی حکومت سیاسی اور ذات پات کی نفرت اور فرقہ وارانہ رویوں وغیرہ کو ترک کر کے حقیقی عوامی مفاد اور عوامی فلاح پر توجہ دے۔