QR Code

حکومتی ناکام معاشی پالیسیوں نے ملک کو کنگال اور عوام کو بدحال کر دیا، علامہ حزب اللہ

1 Apr 2023 18:15

دعوت افطار سے خطاب کرتے ہوئے جماعت اسلامی سندھ کے ڈپٹی جنرل سیکرٹری نے کہا کہ عیاشیاں حکومتی ٹولہ کرتا ہے اور خمیازہ یوٹلٹی بلز سمیت نت نئے ٹیکسز کے ذریعے عوام بھگتے ہیں۔

اسلام ٹائمز۔ جماعت اسلامی سندھ کے ڈپٹی جنرل سیکرٹری علامہ حزب اللہ جکھرو نے کہا ہے کہ حکومتی ناکام معاشی پالیسیوں اور مہنگائی و کرپشن نے ملک کو کنگال اور عوام کو بدحال کر دیا ہے، ان خیالات کا اظہار انہوں نے گلبرگ فیڈرل بی ایریا کراچی میں دعوت افطار کے اجتماع سے خطاب کے دوران کیا۔ علامہ حزب اللہ جکھرو نے کہا کہ عیاشیاں حکومتی ٹولہ کرتا ہے اور خمیازہ یوٹلٹی بلز سمیت نت نئے ٹیکسز کے ذریعے عوام بھگتے ہیں، جس کے نتیجے میں آج ہر پاکستانی 2 لاکھ 16 ہزار 709 روپے کا مقروض ہے۔ انہوں نے کہا کہ اہل و دیانتدار قیادت ہی ملک و قوم کو بحران سے نکال سکتی ہے۔ انہوں نے کہا کہ رمضان تقویٰ اور نزول قرآن کا مہینہ ہے، جس نے بھی ایمان و احتساب کے ساتھ کے ساتھ روزہ رکھا، وہ فلاح پا گیا۔

خبر کا کوڈ: 1049989