اسلام ٹائمز - پی ٹی آئی میں ہوں اور اس میں ہی رہوں گا، چودھری پرویز الٰہی

پی ٹی آئی میں ہوں اور اس میں ہی رہوں گا، چودھری پرویز الٰہی

پی ٹی آئی کارکنان کے لیے پیغام ہے وہ تگڑے رہیں

پی ٹی آئی صدر کا کہنا تھا کہ اس سارے فساد کی جڑ نگران وزیراعلیٰ پنجاب ہے۔ میں نے کسی کے خلاف کوئی سیاسی مقدمہ نہیں بنایا تھا۔ مجھ پر یہ ظلم نگران وزیراعلیٰ پنجاب کرا رہا ہے، یہ برا کر رہے ہیں اور برا ہی بھگتیں گے۔

اسلام ٹائمز۔ پاکستان تحریک انصاف کے صدر چودھری پرویز الٰہی نے خود کو بے گناہ قرار دے دیا۔ لاہور میں عدالت میں پیشی کے موقع پر سابق وزیراعلیٰ پنجاب نے میڈیا نمائندوں سے غیر رسمی گفتگو کی۔ چودھری پرویز الٰہی نے کہا کہ میں بے گناہ ہوں اور پاک فوج کا حامی ہوں، میں کوئی پریس کانفرنس نہیں کروں گا، پی ٹی آئی میں ہوں اور اس میں ہی رہوں گا۔ انہوں نے کہا کہ پی ٹی آئی کارکنان کے لیے پیغام ہے وہ تگڑے رہیں، گھبرانا نہیں ہے۔

پی ٹی آئی صدر کا کہنا تھا کہ اس سارے فساد کی جڑ محسن نقوی ہے۔ میں نے کسی کے خلاف کوئی سیاسی مقدمہ نہیں بنایا تھا۔ مجھ پر یہ ظلم محسن نقوی کرا رہا ہے، یہ برا کر رہے ہیں اور برا ہی بھگتیں گے۔ واضح رہے کہ صدر پی ٹی آئی چودھری پرویز الٰہی کو گزشتہ روز اینٹی کرپشن نے لاہور سے گرفتار کیا تھا۔ پرویزالٰہی کے خلاف اینٹی کرپشن میں سرکاری ٹھیکوں میں کمیشن لینے کے الزام پر مقدمہ درج ہے۔ ان کیخلاف لاہور کے تھانے میں کار سرکار میں مداخلت اور پولیس پر تشدد کا مقدمہ بھی درج ہے۔