گلگت بلتستان اسمبلی، حکومت نے اپنے ہی سپیکر کو عدم اعتماد کے ذریعے فارغ کر دیا

اسلام ٹائمز۔ گلگت بلتستان اسمبلی کے سپیکر سید امجد زیدی کو حکومتی اراکین نے عدم اعتماد کے ذریعے فارغ کر دیا۔ جس کے بعد ڈپٹی اسپیکر نذیر احمد ایڈووکیٹ بلا مقابلہ سپیکر جی بی اسمبلی منتخب ہو گئے۔ اپوزیشن اراکین نے عدم اعتماد پر ووٹنگ کا بائیکاٹ کیا۔ سپیکر جی بی اسمبلی کی تبدیلی کا معاملہ اس وقت دلچسپ رخ اختیار کر گیا تھا جب مذاکرات کے بعد سید امجد زیدی نے استعفیٰ پیش کر دیا جس کے فوری بعد ہی انہوں نے گورنر جی بی کی ہدایت پر اپنا استعفی واپس لے لیا۔ اس سے پہلے ڈپٹی سپیکر نذیر احمد ایڈووکیٹ اور سپیکر سید امجد زیدی کے مابین مبینہ زبانی معاہدے کے معاملے پر خود حکومتی حلقوں میں عجیب کشمکش کی فضاء پیدا ہو گئی۔