اسلام ٹائمز - علی محمد خان رہائی کے بعد دوبارہ گرفتار

مردان پولیس کا کہنا ہے کہ پی ٹی آئی رہنماء کیخلاف تھانہ سٹی میں مقدمہ درج ہے۔ اس سے قبل پشاور ہائیکورٹ نے تھری ایم پی او کو کالعدم قرار دیکر علی محمد خان کی رہائی کا حکم دیا تھا۔

اسلام ٹائمز۔ پاکستان تحریک انصاف (پی ٹی آئی) کے رہنماء علی محمد خان کو رہائی کے بعد دوبارہ گرفتار کر لیا گیا۔ پشاور سینٹرل جیل کے باہر مردان پولیس نے پی ٹی آئی رہنما کو گرفتار کیا۔ علی محمد خان کے خلاف دہشتگردی سمیت توڑ پھوڑ کا مقدمہ درج ہے۔ مردان پولیس کا کہنا ہے کہ پی ٹی آئی رہنماء کے خلاف تھانہ سٹی میں مقدمہ درج ہے۔ اس سے قبل پشاور ہائیکورٹ نے تھری ایم پی او کو کالعدم قرار دے کر علی محمد خان کی رہائی کا حکم دیا تھا۔