بلاول کی عراقی حکومت کے اعلیٰ حکام سے جو ملاقاتیں ہوئیں وہ بہت اہم ہیں، ناصر شاہ

اسلام ٹائمز۔ سندھ کے وزیر بلدیات سید ناصر حسین شاہ نے سندھ اسمبلی کو بتایا ہے کہ عراق میں چیئرمین بلاول بھٹو زرداری کی عراقی حکومت کے اعلیٰ حکام سے جو ملاقاتیں ہوئی وہ بہت اہم ہیں، ان کی وہاں کے صدر سے بھی ملاقات ہوئی۔ وزیر خارجہ نے ان ملاقاتوں میں عراق میں موجود پاکستانیوں کے مسائل پر بات کی، عراقی ویزے اور زیارات کی فیس میں کمی پر بھی بات کی گئی۔ انہوں نے بتایا کہ اس دورے کے نتیجے میں نجف میں پاکستانی قونصلیٹ کھولا جائے گا، کراچی میں عراق کا قونصلیٹ نہیں ہے، بلوچستان اور سندھ کے لوگوں کے لئے یہاں پر قونصلیٹ شروع کردیا جائے گا۔