بھارت میں غریب ترین 20 فیصد آبادی کمر توڑ مہنگائی کی مار برداشت کر رہی ہے، ملکارجن کھڑگے

اسلام ٹائمز۔ انڈین نیشنل کانگریس کے صدر ملکارجن کھڑگے نے جمعہ کو مہنگائی کے مسئلہ پر بی جے پی زیر قیادت مرکزی حکومت پر طنز کیا اور کہا کہ غریب ترین 20 فیصد آبادی کمر توڑ مہنگائی کی مار برداشت کر رہی ہے۔ ایکس پر ہندی میں کی گئی پوسٹ میں کانگریس صدر نے کہا ’’مودی جی ادھر ادھر کی باتیں کر کے عوام کی توجہ مہنگائی کی لوٹ مار سے ہٹانا چاہتے ہیں‘‘۔ انہوں نے کہا کہ مودی حکومت کی لوٹ مار کی وجہ سے کمر توڑ مہنگائی کا سب سے زیادہ خمیازہ 20 فیصد غریب ترین لوگوں کو برداشت کرنا پڑا رہا ہے۔

انہوں نے کہا کہ کھانے پینے کی اشیاء کی قیمتیں آسمان کو چھو رہی ہیں اور ملک کو اب احساس ہوگیا ہے کہ ان کی پریشانیوں کی واحد وجہ بی جے پی ہی ہے۔ انہوں نے کہا کہ آنے والے انتخابات میں عوام بی جے پی کو سبق سکھا کر اس لوٹ کا بدلہ ضرور لیں گے۔ کانگریس لیڈر نے کہا کہ مہنگائی کے معاملے پر ’’جڑے گا بھارت، جیتے گا انڈیا‘‘ اس نے اپنے دعوؤں کی تائید کے لئے سی آر آئی ایس آئی ایل کی تحقیقی رپورٹ اور اگست کے لئے خوردہ افراط زر کے اعداد و شمار کے ساتھ گرافکس کا بھی اشتراک کیا۔