پنجاب میں تقرروتبادلوں کا طریقہ کار واضح کر دیا گیا

اسلام ٹائمز۔ پنجاب میں تقرروتبادلوں کا طریقہ کار واضح کر دیا گیا ہے۔ سیکرٹریز اور گریڈ 20 کے افسران کے تقرروتبادلوں کیلئے الیکشن کمیشن سے اجازت لینا ہوگی۔ کمشنرز، ڈپٹی کمشنرز اور اسسٹنٹ کمشنرز کے تقرروتبادلوں کیلئے بھی الیکشن کمیشن کی اجازت مشروط کی گئی ہے۔ سی سی پی او، آر پی اوز، سی پی اوز، ڈی پی اوز اور ایس ڈی پی اوز کے تقرروتبادلوں کیلئے الیکشن کمیشن سے اجازت لینا لازم ہوگا۔ سول سیکرٹریٹ میں کام کرنیوالے گریڈ 19 کے ایڈیشنل سیکرٹریز اور اس سے کم گریڈ کے  افسران کے تقرروتبادلوں کے معاملات اپنی سطح پر نمٹائے جائیں گے۔ دیگر تمام گریڈ 19 اور اس سے نیچے کے تقرر و تبادلوں کے معاملات بھی اپنی سطح پر نمٹائے جائیں گے۔ الیکشن کمیشن نے اس حوالے سے باقاعدہ نوٹیفکیشن جاری کر دیا ہے۔