پنجاب پولیس میں ’’سی آئی اے‘‘ ونگ ختم کر دیا گیا

اسلام ٹائمز۔ پنجاب پولیس میں سی آئی اے کو ختم کر دیا گیا، سی آئی اے کی جگہ نیا ’’آرگنائزڈ کرائم یونٹ‘‘ قائم کر دیا گیا ہے۔ محکمہ قانون نے پولیس آرڈر میں نیا کرائم یونٹ بنانے کیلئے پولیس آرڈر میں ترمیم کر دی ہے۔ پنجاب پولیس نے سی آئی اے کی جگہ نیا’’ آرگنائزڈ کرائم یونٹ‘‘ قائم کر دیا ہے۔ محکمہ قانون نے پولیس آرڈر میں  نیا کرائم یونٹ بنانے کیلئے ترمیم کر دی ہے۔ لاہور سمیت ہر ضلع میں نیا ’’آرگنائزڈ کرائم یونٹ‘‘ بنے گا۔

لاہور میں ڈی آئی جی لیاقت علی ملک اس کے سربراہ ہونگے۔ ہر ضلع میں ایس پی کی سربراہی میں یہ کرائم یونٹ کام کرے گا۔ اس کرائم یونٹ کو سی آئی اے اور ایس ایچ او کے اختیارات حاصل ہونگے۔ سنگین نوعیت کے مقدمات کی تفتیش یہ یونٹ کرے گا، ضلعے کا پولیس سربراہ سنگین مقدمات کی تفتیش اس یونٹ کو منتقل کرے گا۔ سنگین مقدمات میں قتل، اجتماعی زیادتی، دہشتگردی، اغواء برائے تاوان، ڈکیتی قتل سمیت دیگر جرائم شامل ہیں۔ محکمہ قانون نے پولیس آرڈر میں ترمیم کا گزٹ نوٹیفکیشن جاری کر دیا ہے۔