یورپی مرکزی بینک نے مسلسل دسویں مرتبہ شرح سود میں اضافہ کردیا

اسلام ٹائمز۔ یورپی مرکزی بینک نے مسلسل دسویں مرتبہ شرح سود میں اضافہ کر دیا ہے۔ میڈیا رپورٹ کے مطابق شرح سود میں 25 بیسس پوائنٹ اضافہ کیا گیا ہے، جس کے بعد یورپ میں سود کی شرح 4 فیصد ہوگئی ہے۔ شرح سود میں یہ اضافہ اشیائے صرف کی قیمتوں میں اضافہ روکنے کیلئے کیا گیا ہے اور یوں یورپی شرح سود بلند ترین سطح پر پہنچ گئی ہے۔ یورپی مرکزی بینک کے اس اقدام کے بعد یورو کی قیمت میں کمی دیکھی گئی۔