پانچ امریکی شہریوں کی رہائی انسانی ہمدردی کا اقدام تھا، ایران

اسلام ٹائمز۔ ایرانی صدر ابراہیم رئیسی کا کہنا ہے کہ پانچ امریکی شہریوں کی رہائی مکمل طور پر انسانی ہمدردی کا اقدام تھا۔ نیویارک میں صحافیوں سے گفتگو میں امریکہ ایران قیدیوں کے تبادلے کے معاہدے پر ایرانی صدر کا کہنا تھا کہ مستقبل میں بھی امریکا، ایران ایسے اقدامات کریں گے۔ واضح رہے کہ امریکا اور ایران نے قطر کی ثالثی میں ہونے والے معاہدے کے تحت ایک دوسرے کے پانچ پانچ قیدی رہا کیے ہیں۔ معاہدے کے تحت امریکہ نے جنوبی کوریا میں منجمد ایران کے 6 ارب ڈالر کے اثاثے بھی جاری کر دیے ہیں۔