امریکہ میں بھی سکھ رہنماؤں کو بھارت سے خطرہ

اسلام ٹائمز۔ کینیڈا میں خالصتان کے حامی ہردیپ سنگھ کے قتل کے بعد امریکہ میں سرگرم سکھ راہنماؤں کو بھی بھارت سے خطرہ پیدا ہوگیا۔ امریکی تحقیقاتی ادارے  ایف بی آئی نے سکھ راہنماؤں کو وارننگ جاری کردی۔ ایف بی آئی نے جون میں کیلیفورنیا میں سرکردہ سکھوں کو خبردار کیا تھا کہ اُن کی زندگیوں کو خطرہ ہے۔ امریکن سکھ کاکس کمیٹی ارکان اور امریکی سکھ ایکٹوسٹ پریت پال سنگھ کا کہنا ہے کہ کینیڈا میں ہردیپ سنگھ نِجر کے قتل کے بعد ایف بی آئی نے اُن سے رابطہ کیا اور کہا کہ ہماری زندگیوں کو بھی خطرہ ہے، ہمیں احتیط کرنی چاہیے۔ امریکی انسانی حقوق تنظیم کے مطابق امریکہ بھر کے سکھ کمیونٹی راہنماؤں کو ایف بی آئی کی طرف سے ایسی ہی وارننگز جاری کی گئی ہیں۔