قومی اثاثے پی آئی اے کی نجکاری نہیں ہونے دینگے، صدر پیپلز یونٹی

اسلام ٹائمز۔ پیپلز یونٹی کے صدر ہدایت اللہ کا کہنا ہے کہ قومی اثاثے پی آئی اے کی نجکاری نہیں ہونے دیں گے۔ تفصیلات کے مطابق پی آئی اے کی نجکاری کے معاملے پر سی بی اے یونین پیپلز یونٹی نے جمعرات 28 ستمبر کو اجلاس طلب کر لیا۔ اپنے بیان میں صدر پیپلز یونٹی ہدایت اللہ کا کہنا ہے کہ پی آئی اے کی نجکاری نہیں ہونے دیں گے، یہ قومی اثاثہ ہے۔ انہوں نے کہا کہ پی آئی اے کے اندرون و بیرونِ ملک اثاثے فروخت نہیں ہونے دیں گے۔ انہوں نے مزہد کہا کہ اسلام آباد میں پی آئی اے کے فلائٹ کچن کی آؤٹ سورسنگ بھی نہیں ہونے دیں گے۔