اسلام آباد:
اسلام ٹائمز۔ مرکزی رویت ہلال کمیٹی کا اجلاس اسلام آباد میں ہوا جس کی صدارت کمیٹی کے چیئرمین مفتی منیب الرحمان نے کی۔ علماء نے وزارت مذہبی امور کی عمارت سے چاند دیکھا جس کی عمر اکتالیس گھنٹے تھی، میڈیا کو بریفنگ دیتے ہوئے مفتی منیب الرحمان نے بتایا کہ لاہور، ڈیرہ اسماعیل خان، سرگودھا سمیت ملک کے مختلف شہروں سے چاند کی شہادتیں موصول ہوئیں جس کے بعد متفقہ طور پر فیصلہ کیا گیا کہ کل انتیس اکتوبر کو یکم ذی الحج 1432 ہجری ہوگا جبکہ عیدالاضحیٰ سات نومبر کو ہوگی۔