عوام انتخابات میں سومنات کے بت گرا دیں تو 10 سال میں ملک ترقی کی راہ پر گامزن ہو سکتا ہے، شاہ محمود قریشی
31 Oct 2011 23:19
اسلام ٹائمز:سابق وزیر خارجہ شاہ محمود قریشی نے کہا ہے کہ ملک میں تبدیلی کا نعرہ لگانے والوں کی ضرورت ہے کیونکہ کرپٹ حکومتی جوڑا گھر کو جانے والا ہے۔
اسلام ٹائمز۔ ملتان میں سیمینار سے خطاب کے دوران شاہ محمود قریشی کا کہنا تھا کہ حکمران جس انداز سے ملک چلا رہے ہیں اس سے ملک کے دیوالیہ ہونے کا خطرہ ہے کیونکہ ہر سال ٹیکس کا اکتیس سو ارب کرپشن کی نذر ہو جاتا ہے۔ ریلوے، پی آئی اے اور واپڈا کا خسارہ مسلسل بڑھ رہا ہے۔ انہوں نے کہا کہ اگر عوام انتخابات میں سومنات کے بت گرا دیں تو ملک کو صرف دس سال میں ترقی کی راہ پر گامزن کیا جا سکتا ہے۔
خبر کا کوڈ: 110806